ජීජී ප්‍රබීතා චතුරානි

මාතර ජනාධිපති විද්‍යාලය යන නමින්, ආදි ශිෂ්‍ය සංගමය විසින් වෙබ් අඩවියක් ආරම්භ කිරීමට ගන්නා මෙම උත්සහය අගය කළ යුතු කරුණකි. ජනාධිපති විද්‍යාලයේ නියෝජ්‍ය විදුහල්පතිවරියක් වහයෙන් සේවය කරන මා 2013 වසරේ උප ගුරුවරියක වශයෙන් අනුයුක්ත සේවය සදහා මෙම විද්‍යාලයට පැමිණි අතර, ඒ අවධියේදී මා නවක ගුරුවරියක් වහයෙන් ජනාධිපතිය තුළ ඉගෙනුම් ඉගැන්වීම් ක්‍රියාවලිය මෙන්ම වෙනත් බාහිර අංශයන්ගේද වෙනත් පාසල් තුල දැකිය නොහැකි සම්ප්‍රදායන් රැසක් දක්නට ලැබුණි. ඒ සම්ප්‍රදායන් ඉතා ප්‍රසන්න වු නිසා මා සිත මෙම විද්‍යාලය කෙරෙහි දැඩි බැදීමක් ඇති කරන්නට සමත්විය.

2015 වර්ෂයේ පැවති විදුහල්පති විභාගයෙන් සමත්වීම නිසා ගුරු සේවයෙන් නිදහස් වු මා විදුහල්පති 3 ශ්‍රේණියට ඇතුළත් විය. දෛවයේ ආශිර්වාදයක් සේ 2017 ජනවාරි 25 දින මා මාතර ජනාධිපති විද්‍යාලයේම නියෝජ්‍ය විදුහල්පතිනියක් ලෙස සේවය කරන්නට වරම් ලැබුණි.

ජනාධිපති විද්‍යාලයටම අවේනික වු සම්ප්‍රදායන් තුළ ඉවත් කළ යුතු අංග ඉවත් කරමින් ඒ සදහා නව අංග එක් කරමින් වත්මන් නායකත්වය විසින් ගෙන යනු ලබන පරිවර්ථන ක්‍රියාවලියේදී සක්‍රිය දායකත්වයක් සැපයීම මාගේ ඒකායන අරමුණයි. මේ සදහා අපට නිරන්තරයෙන් ශක්තියක්වන පාසලේ ගුරු සිසු සැමටත්, දෙමාපියන්, ආදිශිෂ්‍ය ප්‍රජාවටත් අප හා එක්වන ලෙසට ගෞරවයෙන් ආරාධනා කරමි.