ජනාධිපති විද්යාලය
මාතර ජනාධිපති විද්යාලය වර්තමාන තත්වයට ගෙන ඒම සදහා ඔවුන් මහත් වෙහෙසක් දරා ඇත. පාසලේ කීර්තිනාමය වෙනුවෙන් ඔවුන් සියළුම දෙනා සිදුකරන ලද කැපකිරීම සහ සේවය අප නිරතුරුව ඉතා ගෞරවයෙන් යුතුව සිහිපත් කරමු.
ජෝර්ජ් අර්ස්කිං පියතුමා 1781 දී අයර්ලන්තයේ ටිරෝන් හි උපත ලැබීය. වර්ෂ 1809 දී ඔහු මෙතෝදිස්ත දේවස්ථානයට පුජකයෙකු වශයෙන් ඇතුල්වු අතර, මෙතෝදිස්ත දහම ප්රචාරණය කිරීම සදහා 1814 ජුනි මස 29 ශ්රි ලංකාවට ගොඩබට පුරෝගාමි වෙස්ලියානු මෙතෝදිස්ත මිෂනාරිවරයෙකි. මාතර මෙතෝදිස්ත පාසල ආරම්භ කිරීමේ පුරෝගාමියා වන්නේ මෙම පුජකතුමයි. ඔහු 1814 අගෝස්තු 07 වන දින මාතර ලන්දේසි බලකොටුව තුල පිහිටි ලන්දේසි පල්ලියේදී ඉංග්රිසි පාසල ආරම්භ කර ඇත. පසුව මොහු රෝගාතුර වීම හේතුවෙන් නැවත ගාල්ලට පැමිණි අතර, ගාල්ලේ පාසල හොවත් වත්මන් රිච්මන්ඩ් විද්යාලය භාරව කටයුතු කර ඇත. ඉන්පසු ඔහු ත්රිකුණාමලයටත් එතැනින් කොල්ලුපිටිය ප්රදේශවල මෙතොදිස්ත දහම සහ ඉංග්රිසි භාෂාවන් ප්රචලිත කිරීම සදහා කටයුතු කර ඇත. මොහු 1821 දී මෙම දිවයිනෙන් පිටත්ව එංගලන්තය බලා පිටත්ව ගොස් ඇති අතර, 1822 නොවැම්බර් මාසයේදී එංගලන්තයේ සිට ඕස්ට්රේලියාවේ වෙත සංක්රමණය වී ඇත. 1823 අප්රේල් 02 දින මොහු ලයිඩා මැක්ඩුඅල් සමග විවාහ විය. මෙම යුවල නිව් සවුත් වේල්සයේ වින්ඩ්සර් ග්රාමයේ ඉඩමක් මිලදී ගත් අතර, 1830 දී ඔහු එහි අලංකාර නිවසක් තනා ඇත. එය අදටත් Erskine Villa ලෙස හදුන්වයි. එහෙත් අලුතින් සාදන නිවසේ වැඩි කාලයක් ඔහුට ජීවත්වීම සදහා වාසනාවක් නොලැබිණ. ඔහු 1834 අප්රේල් 24 වන දින ඔහුගේ නිවසේදීම අභාවප්රාප්ත වී ඇත. 1834 අප්රේල් 24 දිනැති ඕස්ට්රේලිියානු රජයේ ගැසට් නිවේදනයේ කුමාර වීදිය (Prince Street) ලිපිනයේ පදිංචිව සිටි පුජක ජෝර්ජ් අර්ස්කින් මිය ගොස් ඇති බව සදහන් වේ. මොහු පුතුන් සිව් දෙනෙකු සහ දුවරුන් තිදෙනෙකුගෙන් සමන්විත දරුවන් හත්දෙනෙකුගේ පියෙකි.